GirlofControversy

小貓開始過失業的生活...
這幾天雖然美其名賦閒在家,但總是有不同的事要辦:freelance,聚舊,interview,照料寵物,執屋...
還是未能好好停下來;不過,心還是準備好日本之旅,所以搵工大計,留待日本之旅過後吧

昨天有朋友到訪,既然朋友指名要小貓下廚,無業小貓實在無法推辭,只好認命三點幾走出去買餸

第一站係PK Shop,由於正值平日返工時間,PK Shop難得極少PK,走走逛逛極為輕鬆...小貓一邊行一邊幻想:做家庭主婦都不錯,朝朝瞓到日上三竿,再悠閒地shopping...
小貓沒有特定菜式,朋友亦只期望一碟煮意粉
不過既然跟朋友提過要整乾煎蝦碌饗客,總不能少了大蝦...
既然煮得乾煎蝦碌,倒不如煮中菜,於是買了排骨,節瓜,牛肉,白菜...尚欠咸蛋一隻,可惜PK shop沒有大蝦,啲蝦同我啲手指一樣幼,費事殘害幼苗...見帶子又平又大隻,朋友又鐘意食,雖然未試過煮,都買咗一pack四隻

第二站,當然係街市...街市又係另一個世界;雖然幼承庭訓,街市啲嘢係新鮮啲同平啲,但係我一直都唔太鍾意去街市買餸,因為
1. 我唔係太識睇佢新唔新鮮
2. 街市買嘢啲人見你係o靚妹水魚仲唔劏你咩

不過最後都係買唔到蝦...可能唔當造,所以無啦...拎住啲一袋二袋返屋企個陣,之前全職主婦嘅念頭簡直消失於無形...

最後小貓都係用咗個半鐘變咗兩餸一湯出嚟
1. 蒜蓉蒸帶子
2. 白菜仔炒牛肉
3. 節瓜排骨咸蛋湯

理論上,屋企如果有蛋,係可以變多個餸出嚟,可惜兩個人,唔會食得晒...朋友大力讚賞是日晚餐,小貓亦自覺不俗,沾沾自喜中...

老實說,漸漸覺得原來煮食真係一種興趣,或者係一種藝術,而唔係生活技能
以前啲女仔,個個都會識煮,或者個個都會煮(尤其是已婚嘅太太們)
但係依家啲女仔,係唔曉煮,或者唔想煮;唔識煮就無得講啦,註定做"無飯煮婦"

但係就算識煮,都未必一定會煮...因為一來煮餐飯實在太花時間,再快都要煮一個鐘,煮完洗碗又花時間,而家啲職業女性公餘時間已經少得可憐,仲要佢哋花時間煮飯,實在有點兒強人所難(話我係港女都要咁講,咁得閒煮,做facial好過啦);而且,小家庭(1-3人)盛行,出街食嘅錢同自己煮又差無幾,加上超市又有啲10蚊廿蚊餸,自己煮啲太複雜嘅嘢係完全無so....呢個都唔知係因定果,總之,最後係普遍女仔廚藝只會愈嚟愈差

不過話說回來,總係覺得再差勁,都不至於變成美女廚房嗰啲美女,好難想像佢哋點解可以咁樣浪費食材...俗語話,未食過豬都見過豬行路...煮食,都不過係一種common sense,如果見過人煮,或者食過人煮,要仿效,唔通真係咁難?除咗西餐嘅seasoning或者pre-preparation比較煩鎖(煮個chicken stock都可能要用五六鐘)之外,無論中日泰韓菜,都離唔開煎炒炸炆燉焗外加涼伴生吃,點解都仲有人會做出一啲UDO (Unclassified Distasteful Object)?

絶對有理由相信,會煮食嘅男仔不愁無女仔鍾意...
有無女仔對本人舍弟,精曉煮食,尤擅於甜品創作嘅小二有興趣??

成為中華人民共和國國近60年首次對民眾死難者降半旗致哀旗

然而,四川地震或許是天災,但數以萬計學童身葬無一完整的頽垣敗瓦中,難道又可以捼過於天?
承建學校的建築商,面對痛失愛兒的家人,真的可以做到問心無愧?
當四川省人民政府在災難一周年前夕(2009年5月7日)公佈報告公佈的學生死亡數字外,指出「經過調查,認定沒有發現因為建築的質量問題而致使建築物垮塌的案例」

政府定調如此,實教生者氣難下,死者難瞑目...

在此,我必須強調,作為一個土生土長的香港人,以身為「中國人」為傲,我對祖國也沒有固定的政治立場/成見,更是拜服於現今領導人胡總及溫總的魄力...

然而,我不能泯沒良心,說服自己認同政府的調查結果
當然,可恨復可悲的官商勾結,官官相衛,若堅持追究問責,一場天災再要害苦多少個家庭,實在不敢想像

只是當中國人苦苦尋求南京大屠殺真相,為的不只是一個賠償的銀碼,而是希望還慰安婦及受難者一個公道的同時,同胞們又會否深思「相煎何太急」的道理? 

Record of Understanding
是當年甘地及杜圖主教發起簽定的諒解備忘錄,是南非邁向民主道路的一塊基石
白人屠殺黑人的歷史,沒有被刻意抺去,反而被追尋,繼而被諒解
南非的社會狀況從此得以改寫

真相,不能埋沒、不要遺忘、不可忍瞞
過錯,可以明白、能夠忘解
人心,才會痊癒;
社會,才可以重新出發

「別哭,你放心,政府會管你們的」
深盼胡總的一番話不會落空